中美有個減關稅預期?

小弟早上在社交媒體簡單說了一個「中美有個減關稅預期」的留言，所以晚上回家就準備「找數」，簡單分析一下我個人的思路，胡說八道一下。

首先，商務部公布中美傳出劉鶴與美國貿易代表戴琦通話，雙方認為發展雙邊貿易非常重要。而較早之前，美國總統Joe Biden在上個月表示將會與俄羅斯總統普京舉行面對面會晤，近日就敲定左6月16日在瑞士日內瓦進行。美國更為左修補關係，近日放棄制裁德國「北溪2號」天然氣管道公司，這是很大而有誠意的讓步，或者拜登有個更大的目標，想破壞中俄的關係。

以目前美國的國力，某程度上難以全面開火，軍事上推演又無勝算，而近期可以睇到圍堵中國所謂的包圍網開始見到千蒼百孔。點解咁講? 某程度上佢團結既都係豬隊友，就好似印度，美國想搬走中國的供應鏈，點知呢個印度疫情令到徹底被擊潰，去到近日既台灣，更加唔駛多講，疫情再加旱災，令到中國整個供應鏈更加牢固。

最近新聞講到富士康鄭州工廠3度加碼員工獎金去迎戰IPHONE 13，再睇埋中國四月份的生產者價格指數（PPI）創下2017年10月以來的新高。根據中國央行上周的一份報告，今年第二和第三季度還可能繼續上漲，好明顯證實到美國個套唔WORK。不過，中國都有佢既問題，例如供應瓶頸、資源價格上升導致增長放緩，生產價格提高導致利潤下滑，係呢一系列既問題存在，所以中美才有得坐底傾。

更值得留意的是近期美國出招屢屢受挫，例如早前新疆棉花事件，反而促進左國服潮，國產品牌在這波行情況有很大的得益，令國際品牌收益減少，偷雞唔到蝕渣米，大家唔覺得近期少聽左新疆棉花的新聞? 呢個戰場失利後美國會再轉第二國戰場，係呢個時候通常都先禮後兵，在這個假設下，美中可能有短期的密月期，而降低關稅是目前最有空間談判的，對雙方各自承受經濟壓力有所緩和，從拜登上台的各種施政，我們可以預計到中美總有一天會有得傾。

而近日人民幣的升值行動值得關注，這是一個大事件，狂印美元一直推高商品價值，假若人仔唔升值既話，進口原材料價格爆升會帶來輸入性通脹，令中國想打壓樓價的難度再一次提高。好啦，而家人仔開始升，而中國作為帶頭大哥，跟住東南亞各小國同時都有機會出現升值行動。今次個波成功送返俾美國，而美國仲係大量買中國貨，昨晚耶倫講話，料美國通脹持續到年底，如果通脹壓力威脅到美國經濟，華府會有方法處理。我個人認為減關稅最符合雙方目前的利益，假若如是的話，股市係有個密月期。

講完咁多廢話，其實世界上既事比所說的複雜更多，兩國爭霸點會咁容易無事，美國佈局十幾年既新疆問題暫時攻唔破後，近期又轉移返目前去到新冠的源頭，呢方面一定想直指室驗室，大家可以留意一下新聞，下一個暗湧當然存在，而中國債務既問題唔易處理，2021年炒股既真係幾辛苦，又要曕前顧後，不過今朝有酒今朝醉啦，有得炒就猛炒，6月要炒返高，半年結先無咁核突。