【網購中伏】港男淘USB萬用插座 冇地線、無Fuse

網上買嘢，大家都想平、想淘到寶，可惜劣品常有，而寶物不常有。近日，有有港男分享淘寶經歷，淘寶買了個USB萬用插頭拖板，點知拆開後，發現內部造工差劣，安全性成疑，大嘆當年無知險釀成意外，現深感後悔。

上市網民日前將經歷分享至facebook群組，稱自己早年無知，由淘寶買入一個有充電功能嘅萬用插頭拖板。直至最近將其拆開後，才發現拖板設計設計相當簡陋，恐怕有安全隱憂，現時大感後悔：「買定唔買，睇得明先好買。以前無知，而家喺度懺悔。」

照片中，拖板有4個USB充電插位，同時附設兩個不規則插孔的萬用插座。裡面分別只有幼細的紅、藍、綠色線連接兩個萬用插座以及USB插位，而且並無保險絲以預防短路後所引致的傷害。

帖文引起網民熱議，有人直指該拖板欠缺水線（又稱地線）及保險絲，恐怕釀成意外，「無水線、無fuse（保險絲），電線過幼，用錫嚟焊220V，無火燭偷笑」、「一、冇水線；二線駁位無絕緣保護；三、線嘅粗幼唔足夠」。