20220704 隔夜市況 焦點通告解讀

 

– 上星期講美國3大指數都已經番5天線,超買後的調整已經完成
– 結果四﹑五兩日,一跌一升,其實無咩變化,但成交收窄
– 熱門中概股都有升,星期四已經比大市強,星期五再進一步上升
– 香港星期五無市,但星期四美股下挫時,夜期都已經企穩
– 所以港股今日反而有機會高開
– 港股星期四1500億成交,下午加速下跌,但下跌時沽空出手極少
– 應該係賭星期四五中概頂得順,或者係覺得星期一有更靚位開淡倉
– 呢度講講7月自睇法,大市先,6月香港明顯跟隨內地變強
– 消息面上好壞都有可能呢個月出現,包括︰港股通買S類股,撤消關稅﹑多隻港股+螞蟻上市 ; 壞︰美國股市再跌﹑阿爺出現調整
– 港股因為本身唔強,所以可能係短暫上升之後就要調整,
– 暫時期權上部署大戶都係睇22500 – 20800,整體可能都係橫行機會多,升可以做淡,跌可以好做
– 而個股上的情況基本上都比過去幾個月好,不過仍然有下跌空間
– 例如9988︰95-140 ; 3690︰170 – 220 ; 700︰325 – ? ; 1810︰11 – ? ; 9618︰220 – 290
– 以上都係一些大戶期權的部署位,暫時睇700 及1810問題最大,因為見唔到大戶好倉身影,視乎北水幾努力救他們
– 另外2-3線股可能都要休息下先,特別係過了6月底的暴升
– 開始有配股的前奏出現,不妨多看看自己股票CCASS,
– 看看有無特別的轉倉活動,可能幫你避開高位配股的危機
– 有哂通告,但未有評語,太眼訓…盡快後補

即日期指/短炒
– 跌﹑沽空不多﹑外圍又會比較好,基本上會有小高開,暫時睇好少少,睇下中段開始會唔會有空軍出現,指數參考22277 – 21546,牛熊參考 牛55590﹑熊 67680 +/- 50點入場,100點止蝕,3點後傾向唔做,唔過夜
– 之前的提最多的3690淡,節目開始已經叫大家分段食,節目後急跌果下已經食哂,反而388 跟叔叔買了少少。

香港教育國際(01082.HK)公告,公司已根據其於2020年12月8日採納的購股權計劃授出合共5808萬份購股權,惟須待承授人接納,方可作實。已授出購股權行使價1.76港元。
阿斯點評︰已經到10億都還要授出股權,一係就真係好睇好,但唔似,望住先。

大森控股(01580)公佈,該公司於2022年6月22日以每持有5股現有股份獲發3股的基準發售約5.85億股發售股份,每股發售股份0.04港元,較股份於最後實際可行日期在聯交所所報收市價每股0.163港元折讓約 75.46%。該公司已向聯交所上市委員會申請批准發售股份上市及買賣。
阿斯點評︰先做得5供3,外邊有一堆更吸引

百濟神州(BGNE.US,06160.HK,688235.SH)宣佈全球3期臨牀試驗RATIONALE306的最新數據,評估百澤安聯合化療治療既往未接受過晚期疾病全身治療的晚期或轉移性食管鱗狀細胞癌(ESCC)成人患者的效果。與安慰劑聯合化療相比,百澤安聯合化療使患者死亡風險降低34%(分層風險比(HR)=0.66[95%CI:0.54~0.80,p值<0.0001])。
阿斯點評︰大隻藥股基本上受惠比較少,ccass都未見好,

彩虹新能源(0438.HK)與晶澳科技(行情002459)(002459.SZ)已續簽戰略合作協議。本次公告披露,彩虹新能源與採購方晶澳科技就供應及採購產品續簽戰略合作協議,預估合同總金額約為人民幣22.23億元,有效期自2022年7月1日起,至2024年6月30日到期。

歌禮制藥-B(01672.HK)公告,公司於2022年6月30日根據公司於2019年6月6日採納的購股權計劃向3名參與者授出購股權,以認購合共220萬股公司每股面值0.0001美元的普通股。所授出購股權的行使價每股股份3.932港元。
阿斯點評︰幾個月做一次認股權,無咩指導作用。

中國電力(02380)宣布,向中電新能源收購清潔能源發電業務,合共代價74.53億元人民幣(約87.15億元),代價以現金及按每股4.4元,向中電新能源配售不逾15.37億股新股支付。目標公司包括23間附屬公司,主要從事清潔能源發電,主要包括風力發電、光伏發電及環保發電。收
購事項將加速該公司快速拓展清潔能源業務戰略的進程,並擴大其在中國新地區的清潔能源基地。
阿斯點評︰原來係抽高個價配股買野,通常差少少。

君實生物(01877.HK)公佈,近日,公司與合作伙伴潤佳(蘇州)醫藥科技有限公司(以下簡稱“潤佳醫藥”)收到美國藥品監督管理局(以下簡稱“FDA”)的通知,PI3K-α抑制劑(項目代號“JS105”)用於聯合氟維司羣治療激素受體(HR)陽性、人表皮生長因子受體-2(HER-2)陰性、PIK3CA突變的晚期或轉移性乳腺癌女性(絕經後)和男性患者的臨牀試驗申請獲得FDA批准。
阿斯點評︰CCASS一直見改善中,現在係得開始有人郁手及股價走勢向好。

非凡中國(08032)宣布,已向聯交所提交有關建議轉板上市的正式申請。建議轉板上市將不涉及發行任何新股份。
阿斯點評︰雖然他本身已過百億市值,但轉主板會令到他內在價值提高,因為部份基金之後可以再買貨。但CCASS本身就一般。

比亞迪(002594.SZ)發佈公告,公司2022年6月新能源汽車銷量13.4萬輛,去年同期4.14萬輛;前6月銷量64.13萬輛,同比增長314.90%。

蔚來(9866第二季度累計交付25059輛,同比增14.4%;2022年上半年蔚來交付新車50827台,同比增長21.1%。截至2022年6月30日,蔚來累計交付量達到217897輛。

理想汽車第二季度累計交付28687輛理想ONE,同比增長63.2%。自理想ONE上市以來,累計交付量已達184491輛。

 

Disclaimer © 2024 TASTY MONEY
以上資訊僅供參考,相關內容純屬個人意見,不代表本台立場。投資涉及風險,股票和結構性產品如窩輪、牛熊證之價格可升可跌,投資者可能會損失全部本金,請自行注意風險。

訂閱及追蹤 Tasty Money 財經節目、主持人及專欄作家的最新動向
https://www.tastymoney.hk/subscribe/