Tasty Money 
買窩輪揀中邊當然好，但如果能賺埋引伸波幅，一雞兩味，當然更和味。不過賺引伸波幅都唔係咁易，Tasty Money節目主持人雷神教路，指數玩PUT就有機會賺埋個引伸波幅，因為若指數真係直插無水花，通常VHSI都會彈升，連帶個引伸波幅都會升。所以如果你升市時想沽，但又怕只係一日半日挾倉嘅話，會見到有部分資金流入PUT輪，而唔係玩熊證。
雷神指出，但個股玩CALL就未必有著數，為咗避收回風險，炒友唔用選擇牛證，但改用CALL嘅話，雖然係可以避咗收回風險，但就好少賺到VOL嘅，因為如果個股如果一路跌落去，個VOL可能已經托住，甚或至升咗啲，唔會有太平的CALL畀你撈。咁當啲正股或者個市，一反彈反而就會縮啲VOL，呢個情況唔係淨係輪證，就算期貨都一樣。
雷神亦補充，個股CALL少數能夠賺VOL賺價嘅情況，例如突然間有消息大升，例如之前海底撈(6862)盈喜，之前完全唔郁，然後有消息後，有一堆人搶貨，又或者一出盈喜大裂口，有錢追，呢啲情況call就有機會賺引伸。