阿斯 
– 美股3大指數極短線超買rsi >95，有調整，睇5天線先
– 5/10年債息倒掛變明顯，似price in market控唔控制到通脹情況，多過真睇淡
– Powell 聽證會再放鷹，個market一下急挫，但盤尾基本上想上番去
– 應彈唔彈，之後多數西，應跌唔跌，之後多數勁
– 港股技術未超買，市寬都有再上空間，不過指數波幅應該會變細
– 劇本似係開始轉炒二三線股，港股做波幅慢上，二三線股超買，再跌
– 有觀眾成日問係咪熊市 / 牛市 / 見底未 ? 鬼知，用自己確定性去賭市場不確定性，似自虐
– 話你知3個月後升2000點 ? 3個月中間日波幅加埋4000-5000點，重要唔知最後係咪真係升2000，點解我唔去賺中間波幅 ?
– 某位朋友講得好好，長揸呢件事比你想像中複雜 ! 如果9988叫你140-150唔怕買，中間跌落70真係唔怕 ? 個戶口紅色一日我都怕，更何況係半年。
– 好似標叔咁講，有營養D直接比操作比較好
即日期指/股票操作
– 美股回，夜期唔肯回，預左波幅唔大先，期指參考21194 好倉，期指參考21194 好倉，21793淡倉 ? 牛參考60098 熊參考56923，100點止蝕，唔過夜，開市穿部署位就再玩過
– 呢個星期比較多公司業績，我自己會留意既係︰
– 星期二︰1093 1810 2020 2196 ; 星期三︰365 830 941 2878 ; 星期五732 3311 。(呢堆CCASS都係相對較好，但唔代表業績一定得，博唔博就大家自己做下功課) 博，我可能會買定少少941先(68638)
– 星期二︰2382﹑星期三︰175 700 6862 星期五︰3690 (全部CCASS都一般，我自己會小心，但太低未必做佢淡)
新晨動力(01148.HK)發盈警，預計2021年度虧損淨額約4億人民幣，相比2020年度虧損8.09億人民幣。主要源於可能傳統發動機業務的物業、廠房及設備以及無形資產計提減值虧損撥備約2,090萬元；就無形資產計提額外攤銷費用約6,160萬人民幣；就存貨計提減值虧損撥備約720萬人民幣；及若干貿易應收款項計提減值虧損撥備約2.99億人民幣。
阿斯點評︰都係蝕，就算減哂減值撥備都係蝕多左，唔好搞住。
融創服務 (1516.HK)︰公司董事會告知公司股東及潛在投資者，基於集團截至2021年12月31日止年度（本年度）未經審核綜合管理賬目的初步審閲以及現時可得的資料，預期本年度公司擁有人應佔溢利較上年度增長超過100%，主要由集團於本年度管理規模增加帶來收入增加，同時盈利能力提升。這是融創服務2020年11月港股上市以來，第三次發佈盈喜預告，連同先前兩次發佈的盈喜預告，每次淨利增長均超過100%以上。
阿斯點評︰基金擔心母公司問題比較大，彈高要閃。
醫渡科技(02158.HK)︰於2022年3月14日，執行董事楊晶於市場以總代價約36萬港元收購4.2萬股。於2022年3月16日，執行董事張實與其配偶趙升於市場以總代價約98.8萬港元收購合計12.9萬股。於2022年3月17日及2022年3月18日，執行董事閆峻的配偶劉寧於市場以總代價約125.2萬港元收購合計12.8萬股。
阿斯點評︰我信見左底，不過有排收集再上，或者參考股東買入價
福萊特玻璃(06865.HK)︰2021年度，公司實現營業收入87.13億元，同比增長39.18%；歸屬於上市公司股東的淨利潤21.2億元，同比增長30.15%；歸屬於上市公司股東的扣除非經常性損益的淨利潤20.55億元，同比增長26.92%；基本每股收益0.99元，受惠於產能擴張及光伏行業蓬勃發展。 毛利率35.5%，按年跌6.98個百分點，由於光伏玻璃價格去年第2季後受供求關係影響大幅下降，全年均價按年下降，加上運費價格、原材料及燃料成本上升。
阿斯點評︰睇收益同估值比較，完全無問題，不過毛利率下跌情況比較嚴重，睇定少少。