阿爾法‧优 
京東物流(02618)將於本週五(5月28日)正式掛牌，早前網傳有中資券商發電郵予投資者，以每股64元，放售60萬股京東物流股份，不過沒有成交。最近消息指目前有2宗場外暗盤交易，價介範圍於42元至44.4元，股數分別為10萬股及15萬股，較招股價40.36元來計，有4-10%升幅，遠低於市場預期。
ARKX持倉排名12
而最值得留意既係契媽都睇中京東物流，根據ARKX (太空科技系列)5月25日最新持倉，京東物流排名第12位，共同380萬股，持貨總值1.533億港元，以最高暗盤價來計算的話，契媽話咁快就賺左1533萬。
點解又關太空科技事?
講到呢度，大家可能會在想物流而已，點解又關太空科技事? 難道要送貨上月球? 若果大家有留意ARKX持倉，首位是掌握大量GPS技術及雷射光學技術的天寶導航Trimble (TRMB)。
而契媽既太空探索主題有四大範疇：（1）軌道航天(如火箭、衛星)佔三成；（2）次軌道航天(如無人機)只佔半成；（3）間接促成太空探索的科技(如AI、電池、3D printing)佔兩成半；（4）「太空科技受益行業」(如通訊、物流)佔四成。
其實，太空技術在物流領域起到極關鍵作用。好簡單一個例子，衛星導航(GPS/北斗)可提高車輛與貨物追蹤的速度和精準性，衛星通信能促進路上或海上的貨物資訊傳輸，地球觀測數據可預測天氣以減少港口貨物運輸的風險，全球導航則提供貨物移動定位的計時服務（Timing Service）。只要發展好太空科技，其實反而大大提升左物流既效率，所以契媽今次就入左380萬股。
結語:
以契媽的手法，一旦入左倉之後，只要佢睇好的話，就會不停咁加倉，相信上左市之後，契媽會係市場上增持。小編個人睇法，近日市況好返少少，若果唔高開太多的話，都值得跟契媽玩一轉。