Bear 小編 
搵樓過程中，除了考慮價格質素，外亦有人會留意單位的風水，相信屋企風水會影響健康、事業和財運。近日就有網民在討論區中大呻荃灣西站新樓的屋企風水唔好，自從租住單位半年後，丈夫失業兼捲入錢財糾紛，還指前住客都先後財困，因此覺得家中的風水有問題，於是匆忙找地方搬。
該網民分享指本身租住葵涌舊樓細單位，半年前與丈夫轉租住荃灣西站上蓋半新樓。事主表示「我租荃灣西呢度風水麻麻，上兩手租戶係外籍人士，一個破產，一個係機師失業」。發文者上一次睇樓見到新婚夫婦，丈夫是外國人機師失業。之後入住後再接獲前住客的破產信，相信是另一個租客。
發文者慨嘆，「我哋住落都運滯，老公噚日俾人即時炒，又有工程財務糾紛」、「有啲嘢唔到我唔信！環境好新樓都無用」。事主決定與業主商討提早退租，最終業主亦願意不額外收費提早解除租約。
貼文一出即引起網友熱烈討論（↓↓↓即睇網民留言↓↓↓）
無獨有偶，發文者表示日前在執拾行李搬屋時，丈夫剛好收到聘用通知。近日事主到青衣搵其他租盤單位，睇中青衣藍澄灣月租1.3萬元一個樓景單位，表示「我唔介意有冇景，最緊要住落大家順風順水！」
