阿斯 
– 美股比想像中強，道指超買都唔肯回，似有基金進場
– 油價升番上去，資源價格問題未完全消失
– 似之後炒多次滯脹，但可能未必回得多
– 中概升幾日早段食糊盤多，但之後再有買盤，外資似乎想玩埋一份
– 港股沽空500億，北水第一日轉淨流走(騰訊﹑美團﹑融創)
– 北水呢下似食糊盤多過真走貨
– 主要股份同指數都未完全超買，整體市寬都有上升空間(即係MARKET 未過熱)
– 所以聽日你預有個500點的食糊盤，什至下星期有多幾百點食糊盤都好正常
– 港股前題似企穩反彈的38.2%(20838)﹑之後先可以望50%(21642)﹑61.8(22446)
– 當然外圍市況再差，或者阿爺再自殘，空軍可以隨時再發力
– 今日無北水但有南水，應該外資開始都想博阿爺反彈
– Btw尋日收市阿爺又搞短視頻同直播，bili散左，1024小心
– 大價股炒完，呢排可能炒番D二三線股。
– 公司動作開始多番，建議睇一睇通告
即日期指/股票操作
– 高沽空﹑北水流走，今日應該係要偏淡，但其實大部份股份(指數﹑ATM)都完全未超買，所以回得咁上下，應該重可以望升多少少。
– 今日期指21057做好倉(一開市穿左就用20838)，21643淡倉，做番150點止蝕，唔過夜，心入面有個劇本，星期六有時間分享，牛參考60568﹑熊參考58255，唔過夜
– 點解個淡位同尋日篇文有分別既，因為諗諗下有大位用大位好，21643 係今轉反彈的50%，博佢今日唔穿住，上面有寫。
– 好倉︰科技股暫時得番正股1810，唔排除下星期再買番其他tech
– 淡倉︰反手做左388(52938)同1024(53285)淡倉
– 又無貨點算好 ? 尋日講果堆內需股2331都升兩位數，所以無得追嫁啦，長線廢老股1299﹑5﹑405，都要回先有得買，加多隻941比你
– 見標叔買2269咁開心，聽日回左又跟車先(53108)
– 尋日講左隻道指put 10359，美股太強，守到博多日，守唔到下星期再玩
– 尋日有篇文講左點用黃金比率去估下每日恆指位，你用緊果個app無得禁點算 ?
– 只要你用番我地個邀請碼，同開戶優惠，開番個富途戶就好多野比你玩嫁啦!!!!!!
遠大醫藥(00512.HK)發佈，截至2021年12月31日止年度業績，公司擁有人應佔溢利24.03億港元，同比增加34.02%；每股盈利67.72港仙；派末期股息每股11港仙。醫藥製劑及醫療器械為目前集團的主要盈利貢獻來源，主要產品包括眼科藥物、呼吸及耳鼻喉科藥物、心腦血管急救藥物以及醫療器械等。
阿斯點評︰自從高瓴入股後其實無好過，但去到呢D位，係股價大跌期間CCASS無變弱過，最近應該炒到一轉博內地放寬。
華領醫藥-B(02552)發佈公告，於2022年3月17日，公司根據購股權計劃向公司僱員授出870萬份購股權。每股股份3.400港元
阿斯點評︰糖尿病新藥落地，係呢個位出認股權，只要後唔再大插，應該有得諗。
友邦保險(01299.HK)發佈公告，於2022年3月17日，公司根據其於2020年5月29日採納的購股權計劃向公司及其附屬公司若干僱員、董事及主管授出252萬份購股權，認購價每股79.85港元，公司於授出日期的股份收市價每股79.85港元。660,259 份購股權乃授予本公司執行董事李源祥先生。
阿斯點評︰業績好，食完糊後有買盤跟進，79.85都要重要再出認權股，好似可以諗。
中滙集團(00382.HK)發盈喜，預計2月止六個月經調整淨利潤將較2021年同期增加不少於30%。原因是旗下學院的在校學生人數及平均學費增加；非學歷職業教育業務的高效拓展帶來的可觀業績貢獻；及完成收購四川城市職業學院、四川城市技師學院及廣東華商技工學校的業績併表效益增加。
阿斯點評︰得, 博一博阿爺最近放鬆政策，應該有得炒。
中國電力(02380)發佈，截至2021年12月31日止年度業績，公司權益持有人應佔虧損約5.16億元(人民幣，下同)，而2020年應佔利潤約17.08億元；每股基本虧損0.07元；擬派末期股息每股0.05元。公司權益持有人應佔虧損主要是由於去年下半年的煤炭價格大幅上漲，令燃煤發電的燃料成本大幅上升，導致該板塊和公司整體業績下半年由盈轉虧。
阿斯點評︰業績比我想像中弱，煤價再升一定無運行。
心瑋醫療－Ｂ(06609.HK)公布，近期獲得國家藥品監督管理局(NMPA)對栓塞彈簧圈註冊申請的批准，成為公司第11款獲NMPA批准的神經介入產品。
阿斯點評︰唔大希望，同類別所有股心醫療器械股份都無錢跟進。
中國動向(03818.HK)發佈公告，於2022年3月17日，公司已根據公司於2019年8月8日採納的購股權計劃，向公司若干管理人員授出合共60萬份購股權，行使價每股股份0.459港元，授出的購股權的有效期為授出日期起至2032年3月16日止期間。
阿斯點評︰買唔到呢隻，諗番2331先。