【讀law中伏】網民勸世咪揀LAW 壓力大又chur 精英主義泛濫 建議呢科出路更好

DSE今日放榜，由聽日開始到星期六就係JUPAS申請人更改課程選擇嘅日子。有連登仔近日就post「勸世文」，表示DSE放榜千萬唔好揀LAW，「輕則讀到嘔血，重則讀到你精神病」。

樓主表示：「讀law預左你讀果4年大學日日chur爆，輕則讀到嘔血，重則讀到你精神病。仲要搶香港法學專業證書，跟住又要搶實習大律師，intern，搶完又要搶實習合約。讀law你既人生就係圍繞搶呢樣搶果樣 出到黎比你一覺唔好彩做唔到精英，入大律師行你就更慘，入到大律師行你就要跑數 日日比人X。」最後，樓主亦建議，揀law不如揀computer science，前途會更好。

貼文一出，即引起網民熱烈討論，有網民同意樓主講法，更表示，做到懷疑人生時，發現香港根本無法治，「人地讀大學日日玩，讀law就日日驚讀少人一日GPA爭個0.1入唔到pcll，放假想玩？sor一個break做3個intern基本，然後你無家底無connection ifirm連interview都無，最後做到懷疑人生，發現香港根本無法治」；亦有網民表示，律師精英主義尤其嚴重「呢行你邊間大學 咩hon 邊度Train 跟你一世。」

小編認為，讀書最緊要讀自己鐘意嘅科，如果唔係入咗又Chur又唔鍾意讀嘅科，真係得不償失。