BYD車主霸商場充電車位 網民:其他人咪要等到天光

香港電動車用家越來越多，但充電車位、充電站就完全不夠。故此商場、停車場為盡可能滿足所有人，會限制充電位使用時間，以免被長期霸佔。近日，網民表示，有車主到充電時限後，繼續為其汽車充電，令其他車主不滿。

早前，網民在 Facebook 群組 「EV parking Parking L」上載短片，指一名比亞迪車主在尚德商場的中電充電車位，完成40分鐘充電期限後，再用40分鐘，打算充滿100%才停止充電。

片主補充，單次充電的時限為40分鐘，而且一般充電器充至80%以上，充電時間會變慢，變相要其他人呆等兩三小時，「當時尚德商場三架車等緊你叉 每架車要叉滿100%咁咪要等到天光」

該名比亞迪車主面對迫問，竟反叫片主，「叫我Tesla 嘅就番去自己Tesla嘅叉電」。事後，片主在帖文表示「咁你BYD係咪要返大陸叉呀」。

此帖文發布後，引起不少網民指責，有人指「部機有張貼紙提示：叉完 40 分鐘輪到下一架。佢文盲？唔識字？」，亦有人指「真心揸電車為左呢D事日嗌夜嗌，好肉酸…..」、「onXX頭。片主你咁好禮貌講經?俾我就…」。

現時中電延長其電動車充電站免費充電服務至 2021 年底，而未設有超時佔用費。而其他充電服務如 Tesla 本身的 SuperCharger 服務則設有超時佔用費，如車主充滿電後又不離開車位，將每分鐘收取 $4-8，視乎充電站佔用情況而定。