雙櫃檯在即 下個大牛市助燃劑

雙櫃檯在即 下個大牛市助燃劑

人民幣雙櫃檯下周一正式推出，當日有24隻港股率先出現人民幣以及港元兩邊排盤，若以人民幣盤買入，亦可以港元盤沽出，反之亦可。

雙櫃檯制屬於2014年港股通以來最大嘅交易所動作，未來有何意義？有分析指，將會方便外資以人民幣買入港股，推動人民幣國際化，惟成效未知數。

回顧港股通推出 首日高開低收

若比較港股通之時，2014年4月措施正式宣布，喺2014年11月17日開通，殊不知成為好友散水時機，恒指當日先高開226點，然後倒跌290點收市，直至一個月後的12月17日，股市累積下跌約1500點。

成港股大時代助燃劑

其後於幾個月後嘅2015年4月，進入港股大時代大升市，恒指升至最高28588點，比較2014年11月17日港股通推出時，累積上升約4500點。由此可見，措施未即時影響港股，但當時機成熟時，有機會成為大市助燃劑。

6月19日雙櫃檯推出前，港股見反彈，未知推出後會否見光死，形成沽壓。不過，美股正值升浪，亦不排除說好的中東資金會先炒美股，年尾再炒落後港股，屆時有機會重覆一段可觀升勢，始終，雙櫃檯效應，仍要等合適時機先會對港股形成正面作用。