晉佳 
美國放鷹也不怕 美股強勢有何玄機？
聯儲局維持利率不變，點陣圖顯示今年加息多兩次，比市場更鷹，符合小弟預期，點解美股未跟預期下跌？
扭轉經濟預期一句話：
值得留意，聯儲會後聲明第一句：”Recent indicators suggest that economic activity has continued to expand at a modest pace.”加上記者會上對於經濟落墨不多，顯示聯儲局已經排除經濟衰退嘅可能性。既然冇衰退，即使係低增長配合偏高通脹（已告別通脹上升趨勢），在於市場眼中，正正係一個牛市劇本。
值得進入牛市嘅基本因素，當然配合牛市估值，目前肯定唔係偏低水平，不過大價科技股普遍30以上PE，亦談不上泡沫，即使Nvidia嘅今年PE近近60倍，都談不上天價吧。即係今年內仲有得升。
至於高息/遲減息嘅後遺，就係商業地產等等嘅過度槓桿，會形式計時炸彈，但一日未出事就冇人理。
資金流下半年輪動：
高息、經濟增長劇本，會令資金輪動。科技股當中，受惠就係現金流強勁嘅大型科技股，AAPL、MSFT、META、NVDA不用多說，一批冇盈利、有集資需求嘅夢想型股票就會淪為追落後之選。識得分次序，分分鐘炒到兩轉。
最怕真相說得太白：
市場越來越多人相信經濟增長劇本，一班後知後覺嘅人忽然樂觀？然後入市？真相大白就最怕說得太白。
納斯達克100 NDX，月線2 RSI嚴重超買，周線9 RSI嚴重超買、拋離保歷加上軸，日線只差一棍就觸及保歷加上軸，加上散戶指標高漲，真相大白之時會否觸發短期頂部？或出現調整，不過，仍然維持今年底至明年初創新高嘅睇法。
